Sachent tous que je Pierre Fortescu escuier confesse avoir eu et reçu de Hemon Ragnier tresorier des guerres du Roy notre Seigneur la Somme
de cuatre vins dix livres Tournois en prest et paiement Sur les gaiges de moy escuier, et de unze autres escuiers de ma
compaignie desservis et a desservir au service du Roy notre dit Seigneur et de Monseigneur le regent du Roy, alencontre les Anglois
qui de Present Sont en Duché de Normandie, Contrez du Maine et du Perche et en plusieurs autres parties voisines,
et partout aillieurs ou il plaira a mon dit Seigneur le Regent. De la quelle Somme de iiij xx x. l. T. je me tieng pour content et bien paie,
et en quitte le dit tresorier et tous autres. Donne en tesmoing de ce soubz mon scel le dernier jour de may
l’an mil cccc et dix neuf.