17. 1429. 1 Sept. Acte rédigé au nom de Jehan Fortefcu chevalier garde du fcel des obligations de la Viconté de Valognes.

117
A tous ceulz qui ces lettres verront Jehan Fortescu Chevalier garde du Scel des obligations de la vicomté de Vallongie Salut. Savoir faisons que pardevant jehan Tallot clerc tabellion juré commis et establi au siège du dit lieu fut present Goret Pain de la paroisse de Saint Christophe du Fou le quel de son bon gré congnoisse et confesse avoir eu et recu de homme pourveu et saige Thomas Pellere viconte de valongnes la somme de vingt cinq livres tournois que deubz lui estoient pour sa paine et salaire davoir maconne tout de neuf en dedans des fosses de la ville de Chierbourg aupres de la tour du nort ung contre mur en maniere de diquerie de blesce et de gason de XLVIIJ pies de haut et de cinq pies de ley icelle maconnerie contenu il desclara plus a plain en la cinquieme partie du roulle des oeuvriers de la dicte viconte sur ce faite. De la quelle somme de XXXV l. le dit Goret Pain se tint a bien content et en quitta le Roy notre Seigneur le dit viconte et tous les autres. En tesmoing de ces lettres sont scelles les dix sceaux sauf a tout droit Ce fut fait a Valongnes le premier jour de Septembre lan mil CCCC XX IX.